“Алтын Уя” коомдук фонду
Максатыбыз, тилегибиз, аракетибиз – ОКУБАГАН БАЛА КАЛБАСЫН!
“Алтын Уя” коомдук фонду – ыктыярдуу мүлктүк салымдардын жардамы менен уюшулган коммерциялык эмес уюм. Фонд 2020-жылы түптөлүп, бүгүнкү күнгө чейин социалдык, кайрымдуулук, билим берүү долбоорлорун ишке ашыруу аркылуу калктын аярлуу катмарына, жетим балдарга, муктаж үй-бүлөлөргө жардам көрсөтүп келет.
Элибиздин кең пейилине, боорукерлигине, камкордугуна абдан ыраазыбыз! Себеби арабыздагы ак ниет жана ак көңүл мекендештерибиздин колдоосу менен миңдеген балдарды окутууга, камсыздоого арналган долбоорлорубуз ишке ашууда жана жүздөгөн муктаждарга байма-бай ар түрдүү жардамдар берилүүдө!
