“Жылуу жардамдар” долбоору

Жүрөктөр үшүбөсүн!

Долбоордун максаты – “Жылуу жардамдар” аты атап тургандай эле, кыш мезгилине карата жүргүзүлөт жана эки башкы максатты көздөйт. Биринчиден, “Алтын Уя” балдар мекемелериндеги тарбиялануучуларды жана аз камсыз үй-бүлөлөрдөгү балдарды жана жетим балдарды кышкы жылуу кийим-кечелер менен камсыз кылуу. Экинчиден, “Алтын Уя” балдар мекемелерин жана аз камсыз үй-бүлөлөрдү көмүр менен камсыз кылууга көмөктөшүү. Кыш мезгили бир четинен кооз болсо, бир четинен түйшүктү. Кыштын чилдеси көптөгөн үй-бүлөлөргө убарачылык жана кыйынчылык жаратат эмеспи, мындан улам биздин максат – “Жүрөктөр үшүбөсүн!” – деген ураан менен жылуу жардамдарды көрсөтүү. Албетте, бул долбоор да кыштын кыйынчылыгын жакшы түшүнгөн ак көңүл жана жоомарт байке-эжелердин колдоосу менен ишке ашып келет. Долбоор үчүн салым кошкон ар бир адамга Фонд тарабынан отчёт жана тастыктама берилет.