“Айлык азык-түлүк” долбоору

Эч ким ачка калбасын!

Долбоордун максаты – Фонд бул долбоордун алкагында, “Алтын Уя” мекемелерин жана кайрылуулар боюнча муктаж үй-бүлөлөрдү азык-түлүктөр менен камсыздап турат. Аты атап тургандай эле, бул долбоор ар ай сайын жүргүзүлөт. Себеби кайсыл ай, кайсыл күн болбосун, тилекке каршы, азык-түлүккө да муктаж болгон үй-бүлөлөр өлкөбүздө өтө көп. Кайсыл ай, кайсыл күн азык-түлүктөр жетиштүү топтолгон болсо, алар Фондго буга чейин катталган аз камсыз үй-бүлөлөргө дароо таратылат. Тилекке каршы, мындай көрүнүш ай сайын эле боло бербейт. Себеби, азыркы учурда жардамга зарыл болгон үй-бүлөлөрдүн саны – жардам берген адамдардын санынан кыйла көбүрөөк болууда. Азык-түлүктөр Фондго тийиштүү документтерди өткөрүп, тизмеге турган гана адамдарга өз кезеги менен берилет. Жардам качан таратылаарын Фонддун кызматкерлери өзүлөрү алдын ала, жекеме түрдө кабарлашат. Азык-түлүккө зар болгон үй-бүлөлөрдүн саны өсүүдө, буга байланыштуу, аларга жардам көрсөтүүнү каалаган байке-эжелерди долбоорго кошулууга, колдоп кетүүгө чакырабыз. Долбоор үчүн салым кошкон ар бир адамга Фонд тарабынан отчёт жана тастыктама берилет.